Archive For ஜூன் 26, 2019
சின்னச் சின்ன சந்தோஷங்களில் இதுவும் உண்டெனக்கு – பழைய தீபாவளி மலர்களை பக்கம் பக்கமாய்ப் புரட்டுவது காகிதப் புத்தகம் கிடைப்பது அரிது டிஜிட்டல் இதழ்களே நமக்கு விதித்தது, நாற்பதுகளின் புத்தகம் கிட்டினால் காலயந்திரம் கிடைத்த மகிழ்ச்சி; நானில்லா பழையதோர் ஆண்டுக்கு ஓசையின்றி சென்று வரலாம். எல்லா தெய்வமும் வந்திருந்து பஞ்சவர்ணமும் தேசலாய்ப் பூசி நிற்பர் சாய்ந்து முன்னட்டையில் இன்னும் யாரும் அமரவில்லை. பாகவதர் ஹரிதாஸ் வருதென்றும் சின்னப்பா ஜெகதலப்ரதாபன் ரிலீஸென்றும் தீபாவளி வாழ்த்தோடு விளம்பரங்கள்; திண்தோள் மான்கண்ணி…
இரண்டு தலைமுறை முன்னால் வாழ்க்கை எளிது உலக யுத்தமும் யாரோ நடத்திய சுதந்திரப் போரும் இலக்கணம் வழுவா இந்து பேப்பரும் எருமைப் பாலில் பில்டர் காப்பியும் நெரிசல் இல்லாத் தெருக்களுமாக. இரண்டு தலைமுறை முன்னால் எல்லாவற்றிலும் குடையே பிரதானம் கல்யாண வீட்டுக்கும் இல்லாத வீட்டுக்கும் கக்கத்தில் குடையோடு நடந்து செல்வர். முந்தி வந்ததாக மௌனமாய் முழங்கிப் பந்தியில் இடம்பிடித்தார் குடையைப் போட்டு. தோளில் மாட்டிய குடையோடு ஒருசிலர் ஓடிச் சாடினர் ஒன்றும் ஆகலையாம். வெய்யில் மிகுந்தால் வீழ்ந்து…
நான்காம் மாடியில் நாங்கள் வசிக்கிறோம். மின்தூக்கி இல்லாமல் வாழ்க்கை இல்லை என்றும். எத்தனை படிகள் மொத்தமாய்? மின்சாரம் நின்றுபோய் படியேறும் போது எண்ணிப் பார்க்கணும். அவ்வப்போது கரெண்ட் போனாலும் படிகளை எண்ணுவது பாதியில் இருந்துதான். கீழிருந்து மேலே போகவோ மேலிருந்து இறங்கவோ பொத்தான் அழுத்தி அழைக்கும்போது எங்கோ லிப்ட் தேங்கியிருந்தால் எரிச்சலும் கோபமும் பொங்கிவரும். பேப்பர் பையனா, பாக்கெட்பால் பாட்டியா கறிகாய்க்காரனா கூரியர் மற்றும் தீனி கொண்டுதரும் சேவையாளனா விருந்தாட வந்த யாரோ ஒருவரா எந்த மாடியில்…
கண்ணனவன் சொன்னபடி இன்னும் வரவில்லை கண்கள் வழிவைத்துக் காத்திருந்தாள் – கன்னி மரத்தில் மறைந்தது மான்விழி சைக்கிள் மறத்தை மறைக்கும் மனம். மல்லி விலையேற்றம் மாங்காயும் ஏறுமுகம் சொல்லுநேரம் உள்ளிகாணோம் கூடியாச்சு – முள்ளங்கி தக்காளி இத்தனையேன் வெண்பா தளைதட்டும் தக்காளி கால்கிலோ தா. இளநீர் விற்பவர்களுக்கு அடுக்குமாடிக் குடியிருப்பு வாசலில் மெல்ல விளிக்கச் சலுகை. நீர்க்காய் தர நிபந்தனையோடு. தூக்குப் பாத்திரத்தில் வாங்கிப் போகிறவள் புகார் செய்வது, ”நேற்று உப்புநீர்” இன்று இனிக்குமோ இளநீர்க்காரன் அரிவாள்…
சில ஆண்டுகளுக்கு முன், என் அன்பு நண்பர் கிரேசி மோகனையும் அவருடைய கிரேசி க்ரியேஷன்ஸ் நாடகக் குழுவையும் பற்றி ‘கிரேசி முதல் கிரேசி வரை’ என்ற புத்தகத்தை எழுதத் தொடங்கினேன். மோகனோடு நீண்ட உரையாடல்கள் நிகழ்த்தி, அவற்றின் அடிப்படையில் ஆறு அத்தியாயங்கள் எழுதி அந்த நூல் முற்றுப்பெறாமலே நின்றது. இப்போது கிரேசி மோகனோடு நல்ல நட்பு கொண்டிருந்த என் அன்புக்குரிய, சில எழுத்தாள நண்பர்களும் நானும் கூட்டாக மோகன் பற்றி ஒரு புத்தகம் எழுதி வருகிறோம். இந்தக்…
நடேசன் பூங்கா பரப்பில் நாலில் ஒரு பங்கு எங்கள் நகராட்சிப் பூங்கா. பூங்கா என்பதற்குள் சுற்றி வந்துவிடலாம். செண்டிமீட்டர் முன்னே நகர்ந்து நத்தை ஓட்டம் சொத்தை நடை பெஞ்சில் இருந்து கதைப்பவரும் ஜென் குருமார் போல அவ்வப்போது ஒரு சொல் உதிர்ப்பார். கைத்தடியைப் பிடரியில் செருகி ஆண்டென்னா போல் நீட்டி நிமிர்த்தி ஆண்டவனோடு தொடர்பெல்லையில் அங்கொருத்தர் குதிக்கிறார் ஓரத்தில் மெல்ல. நடேசன் பூங்காவில் சைக்கிள் நிறுத்தி நாவல் எழுதினாராம் அசோகமித்ரன் நகராட்சிப் பூங்காவில் நோட்புக் கணினியில் நாளும்…